Síðastliðinn vetur buðum við veiðimönnum uppá rjúpnaveiðileyfi með gistingu á Hrísum sem mældist vel fyrir og verður nú áframhald á. Við bjóðum uppá tvö svæði alla leyfðu veiðidaganna 22 og það þriðja að hluta. Svæðin eru öll 3 byssu svæði og kostar helgin þ.a.s veiði og gisting í þrjá daga 35.000 kr á byssu eða samtals 105.000 kr. Hér kemur fyrsta kynning af svæðunum en svæði tvö verður kynnt á mánudag og það síðasta á þriðjudag. Öll eru svæðin í minna en 15 mínútna akstursfjarlægð frá gististað ( Hrísum ). Nánari upplýsingar í netfanginu rosberg@rosberg.is eða í skilaboðum in á facebook síðunni “Hrísar Eyjafirði Veiði”
Hólsgerði
Svæðið sem við kynnum í dag er Hólsgerði en það er ynnsti bær í Eyjafirði. Um er að ræða skóg sem er um 200 hektarar að stærð og er mestmegnis lerki og greni en veiðisvæðið allt er í kringum 700 hektarar. Mjög skemmtilegt og fjölbreytt svæði sem gaf góða veiði sl. vetur.
Veiðistaðalýsing: 200 hektara skógrækt, móar, melar og gil.
Veiðileyfi: 3 byssur
Fjöldi veiðidaga í boði: tvær helgar af fimm. – 6 – 7 – 8 nóv og – 20 – 21 – 22 nóv
Aðkoma: Vegur að veiðislóð
Fjarlægð frá Akureyri: 45 km
Fjarlægð frá Hrísum: 15 km
