Hugsunin með þessari síðu er sú að fólk geti séð og fengið upplýsingar um hvað er í boði á Hrísum í Eyjafjarðarsveit.

Svæðið er vinsæll staður fyrir ættarmót og allskonar mannfögnuði. Nú er hægt að leigja gistingu innanhúss sem er nýbreytni hjá okkur.
Sumarbústaðir eru á svæðinu til útleigu og það nýjasta hjá okkur er að þjónusta veiðimenn við Eyjafjarðará. Hluti af því er að breyta gamla mjólkurhúsinu á Hrísum í aðstöðu fyrir veiðimenn þar sem þeir geta þurrkað vöðlur, geymt stangir og jakka sem og fryst aflann er þeir gista á Hrísum.

Ákveðið var að setja þessa síðu í loftið og til að nýta hana sem best ákvað ég líka að koma áhugamálum mínum á framfæri. Ég kem til með að flytja fréttir af veiði, fyrst og fremst af Eyjafjarðará en hugsanlega af fleiri ám af norðurlandi. Einnig mun ég flytja fréttir af hestum og hestamennsku því þar liggur áhuginn líka.

Vonandi njótið þið og getið nýtt ykkur www.rosberg.is í framtíðinni.