Nú er ljóst að Eyjafjarðaráin er komin yfir þúsund fiska þetta sumarið og spurningin er bara hve mikið hún fer uppfyrir þá tölu. Lítið hefur verið veitt í henni síðustu daga enda veðrið ekki verið uppá marga fiska. Það var árið 2006 sem áin náði síðast yfir þúsund fiska svo þetta þokast í rétta átt og sumarið í sumar jákvætt framhald af síðasta sumri en þá var veiðin 991 fiskur. Ennþá er séns að setja í vænan birting því neðstu svæðin loka ekki fyrr en 10. Október, Margir flottir fiskar veiddust í sumar og hér má sjá nokkra þeirra.
